反佔中的市民有不少是強烈要求民主的市民，並不是被誣蔑成逆來順受，袋住先的一群。學聯及佔中的三個策動者的意見不能代表香港人，我地要的社會，是真正有民主，有和平，能守住香港核心價值，守法嘅社會。
我地要的領導民主者，是對市民有負責，有承擔，愛護香港的人。但現時時佔中策動者把香港福祉，香港市民為看為肉參，為籌碼。
而且現在主導學生的學聯是非不分，自我中心，自以為是，蠻橫無理。
我地係極不支持現時班策動者，口口聲聲因為要爭取民主為藉口，所以要做嘢出來脅逼特區政府。佢地嘅方法就係堵塞道路和癱瘓交通，達至影響民生和經濟的目的，企圖逼使政府依佢地嘅方法，佢地嘅意見去建構一套的所謂國際標準和公民提名的方案，目的是要香港日後的普選都要按佢地嘅意願來選出持首。
我很想問佢地，到底你地想選個乜人出嚟？有乜目的？我睇唔到，亦唔相信，佢地搞咁多嘢出嚟係為民主自由；試想一下，昂山素姬，甘地等真正嘅和平示威者，面對亂槍射殺人民嘅暴政，從未教人用尖物插爆玻璃，衝閘，舉閘抛向警察。佢地都唔會影響自己嘅國家，民生，社會。因為佢地真正和平愛國。
當美國總統在電親宣佈，釣魚台適用於美日安保條約，學聯有冇出聲？我想問大學生領袖，你明唔明点解要岀聲呀？我十分懷疑，你地明唔明乜野係獨立思考？
首先，這群策動佔中的人，不能代表香港人，我們不能接受不愛國不愛港的特首，(不要利用仇共的情緒扯上關係，從而眨低，詆毀，甚至敵視，仇視愛國愛港的情操)，鼓勵人不愛國，根本是民族罪人。(這根本不是甚麼左傾親中思想，就是土生土長的香港人也是這樣想)；曾否記得，日本人用中國人做生化實驗，這就是國度衰落的後果。
激進民主派因為沒有入閘機會，就提倡特首不需愛國愛港！我想提醒年青一代香港開埠之初，對華人用笞刑，華人的地位等同狗的地位，華人與狗不得進入某些洋人休憩地方，這亦是國家衰落的後果，正是無國焉能有家。還記得在18世紀末，中國被列強蹂躪，欺凌，人民就要生活在屈辱被之下，現在西方各國奉行中國威脅論，在外交仍然不斷欺凌或攻擊中國，學联領袖，日美怎樣對付中國你知道嗎？
作為大學生，唔好話愛國，係咪要做些對得起自已民族嘅嘢？起碼要知道自已民族在國際面對的嚴峻情况，千祈唔好危害社會同民族，重連同害自已民族嘅人扮英雄。唔理民問疾苦，係佔中現塲播音樂，凝造慷慨氣氛，扮英雄，無視反對聲音，咁叫民主咩？不惜橫蠻霸道(煽動群眾，阻塞要道及使人無耐)來逼到人連飯都無得食，要爭取你地自以為重要嘅嘢？咁叫和平？還感說愛？
愛國愛港是未來特首的必要條件之一，重申我們不能接受不愛國不愛港的特首，這並非親中，而係特首必需對自已民族的認同和尊重，面對世界做一個有尊嚴的人民。我地沉默嘅大多數要發聲，我地反對信中三子等以捆綁本地民生和發展為談判的籌碼，你們同政府談判，就用刀架在香港民生和發展的頸項上，作為肉參，這與擄人勒贖有何分别？你地仲要話一定要用你嗰種方法，係咩？真係要用你嗰種方法咩？
一向嘅民間運動，大都以如維園般不太影響別人的地方來進行。就算是七一遊行，在行完和向政府遞交意見之後都很快會和平散去，就算中國民運五四，六四運動都會以不危及民生為談判籌碼。
守法係香港嘅核心價值，唔係話你有任何有理的理由可以唔守就唔守，任意改就改，可以改就唔係核心價值。若大家可隨意以主觀的理由來衝擊法律的規限，香港很易變成無法無天！除非你想攪革命，否則你唔可以因為窮﹝舉例﹞，就可以去綁票和勒索
。
我要問問學聯學生的頭頭們，若有人用刀指住肉參，同你講條件，咁樣叫平等嘅對話？你地嘅價值觀同道德標準係咁，根本就唔合格，亦不配作為一個領袖。
