你地鼓吹的是不是作為大學生以犯法為自豪？請看看以下 摘錄自崇德校長的公開信，其中一段的意思：佔中者嘅態度係，他們認為影響市民生計係小事。祗要我講句道歉，寫個道歉字，我就可以唔需要經你同意响你屋企門口和平示威，而你係唔會，亦唔準發聲。同埋我嘅示威係要由你付出代價！哩種思維模式，其實係陷入左誤區！
校長用誤區﹝一個很平淡的描述﹞，因為佢係一位厚道而有智慧的長輩，而家D學生係唔受得別人話佢地錯，話佢地自私，你話佢地自我中心，罔顧他人(事實上係，以上事件事實已經証實左係啦)，你話佢自私，佢地可能就會發難，同你玉石俱焚。
事實係這種嘅邏輯思維係極度自私，罔顧他人嘅利益，亦唔尊重他人嘅做法，卻虛偽地話［為左理想要付出少少］。佢地根本無從其他人嘅角度去諗。又好似新年，黑社會擺盤花係舖頭，佢地都會道歉，你話唔得，佢根本唔理你。
香港電台在多個電節目內，祇請支持佔中所謂深傳媒人，及所謂學者散播說甚麼要成功爭取，一定要逼政府先至得，這些不是荒謬、歪理的和極端的思想嗎？
嚴格地講，發動者係用一個罪行嚟說服／煽動其他人為佢幫手。以前所有嘅學生運動都响廣場，佢哋而家霸街嘅手段，其實等同勒索政府和香港人！請問，現在這個佔中同綁架罪有乜分別？仲恐怖過有一部分港人都驚嘅共產黨。但現在這班策動者佢地嘅道德良知自以為是，凡是佢地自已的要求和做法，都覺得無問題，這正正就係最大嘅問題。按佢地嘅道德標準，守法這些核心價值都可隨自已喜好，隨時都可以改。雖然你地可以公民抗命，但是唔等如可以接受你擄人勒索。
橫蠻專制到咁，得一個結果，同佢地同聲同氣就有自由，其他唔同佢地聲音嘅人，既聽唔入耳，亦根本無價值。
[風中角聲]
沒有留言:
張貼留言